الخريفات الثلاثة

بسم الله الرحمن الرحيم
هذه القصة من واقع الخيال كانت تقولها لنا جدتي (الله يرحمها)وحنا صغار
المهم ما أبي أطول عليكم بس القصة طويله شوي
أول شي قبل ما تقرون القصة صلوا على محمد 3مراتومسحوا على وجهكم.
كان ياما كان في قديم الزمان في سالف العصر والأوان
كان هنالك 3خرفان ،اسم الكبير حبيش ، الوسط ربيش ، والصغيرأكال العيش
راحت أمهم تشتري غداء وقالت لهم :لا تفتحون الباب حق أحد.
طلعت الأم شافها الذيب طالعة من البيت قال:فرصتيه خل أروح آكل عيالها ههههههه
طق الباب قالوا له : من بالباب؟
قال لهم :عنز العنازيه،حلبتها قزازيه ،في قريناتها حشيشه ،في دويداتها حليبه،ياحبيش،ياربيش،ياأكال العيش،فتحوا لمكم
قالوا له :انت مب أمنا أنت رجولك سود أمنا رجولها بيض.
راح صبغ رجوله باللون الأبيض ورجع .
طق الباب مره ثانيه قالوا له : من بالباب؟
قال لهم :عنز العنازيه،حلبتها قزازيه ،في قريناتها حشيشه ،في دويداتها حليبه،ياحبيش،ياربيش،ياأكال العيش،فتحوا لمكم.
شافوا رجوله بيض قالوا :هي هي جات أمنا.
فتحوا الباب وهجم الذيب عليهم وكل حبيش وربيش وقام أكال العيش تلبد وراء الصندوق.
رجعت أمهم وطقت الباب وقالت :عنز العنازيه،حلبتها قزازيه ،في قريناتها حشيشه ،في دويداتها حليبه،ياحبيش،ياربيش،ياأكال العيش،فتحوا لمكم.
وظلت تقول مره ومرتين وثلاث ولا أحد يرد عليها قامت انطحت الباب بقرونها
قامت تزعق :ياحبيش،ياربيش،ياأكال العيش وينكم؟
طلع له أكال العيش من وراء الصندوق.
قالت له :وينك وين خوانك؟
قال لها : جا الذيب وصبغ رجوله بيض وقال لنا آنه أمكم وفتحنا له الباب وكلهم وآنه تلبدت وراء الصندوق.
قالت : له وين الذيب الحين؟
قال لها: في الغرفه نايم.
رقت فوق الغرفة وقامت تدبك وتسوي فوضه.
قال الذيب :من يدبك فوق داري والحداري والمجاري؟
قالت له : آنه أدبك فوق دارك والحدارك والمدارك.
ونزلت له وخذ السكين وشقت بطنه وطلعت عيالها وقطعت الذيب وذبته حق الكلاب السود وقالت ياكلاب السود تعالوا كلوه وقاموا يصيحون عيالها وقالوا لها :خلاص يمَه آخر مره،وسامحتهم .
وسلامتكم وتعيشون.
أتمنا أنها نالت إعجابكم
ولا تحرمونا من ردودكم
وإذا أعجبتكم ردوا علي عشان أجيب قصص أكثر
وانتظروا مزيدي
تحياتي للجميع : المستشار

منقول من جدة صديقي

عجبتني القصه ومشكووووووووو ر على الجهد المبذول

مع تحياتي ,,, الامبراطور

العفو ومشكور على الرد وقرائتك للموضوع وسامحوني اكثر مواضيعي منقوله