الصاحب الغدار

هذه قصيدة من صديقي عجبتني وحبيت ارسلها لكم



الصاحب الغدار



يالصاحب اللي هواك الغدر والخيانه
خلاص ما بقا لك ربع ولا بقا لك خلان
لا تفكر خيانتك هذي ميانه
هذي جريمة ما يقبلها الحيوان
لكل نفس مشاعر وعواطف ما تقبل الإهانه
وحتى قوة الضربة تصدع الجدران
أجل كيف خلك اللي عدك من اخوانه
وفتح لك في قلبه البيبان
وأكرمك وماقصر معاك بحنانه
وخلاك من حنانه ودلاله بطران
صار دمه بحر وأنت قرصانه
صار قلبه مركب وأنت الربان
صارت روحة لوحة وانت الرسم وفنانه
صار لسانه شعر فيك يحسن الأوزان
صارت سعادته مجلس وأنت أركانه
لو في ثانية ترحل طاحت الأركان
ويصير خايب عاجز وحيد في زنزانه
بدل ما يشره عليك يصير هو الندمان
ما يدري على شنهو يندم ويجعل نفسه تعبانه
وأنه ما ياكل ولا يغمض الأجفان
يسهر الليل ودموعه تملي أحضانه
يطلب الموت وهو لا بس الأكفان
تجي اليوم تخون هالأمانة ؟
المحبة اللي جمعتكم وجعلتكم صدقان ؟
تجي اليوم تخون الصاحب الأندر من الدانه؟
ولا يهمك أن كان راضي أو زعلان ؟
تدري أن مخك يبغاله صيانه ؟
وعندي على غلطتك شهود عيان
ما أبغى أزيد بكلامي لكن صاحب الوجهين تنكره أوطانه
وفي أرض الأحساء الكل فينا ما يقبل الخوان
لو عليها عقوبة من القانون مالك إدانه
بس يوم القيامة مالك عذر عند الخالق الرحمن
وتذكر أن الإنسان ما يسامح من خانه
وأن خيانتك هذي مثل لدغة الثعبان
وتذكر أن كل إنسان ما يقبل الخيانه
وأنها جريمه ما يقبلها الحيوان

...وسلامتكم

مشكووووووووووووووووووووووووور على القصيده

وعجبني مقطع :وأنها جريمه ما يقبلها الحيوان

مع تحياتي,,, الامبراطور

تسلم اخو الأمبراطور على قرائتك للقصيده وردك الأجمل